Din hija arbuxell jew siġra żgħira, twila bejn metru u sitt metri u hija indiġena għar-Reġjun tal-Mediterran. Hija speċi indiġena għall-Gżejjer Maltin u tinstab tikber fil-widien u f’art imxarrba. Fil-passat kien jintuża minn missirijietna fil-produzzjoni tal-basktijiet tradizzjonali. Bħala pjanta ornamentali, din is-siġra tista’ tintuża għall-weraq interessanti tagħha u għall-fjuri li jikbru lejn l-aħħar tas-sajf li jattiraw friefet u ħafna insetti tad-dakra oħra.
Il-weraq ta’ din is-siġra huma aromatiċi u komposti minn fuljetti ta’ ħames jew seba’ werqiet f’forma ta’ sebgħa tal-id, twal bejn żewġ u għaxar ċentimetri, aħdar skur fuq u miksi b’xagħar abjad ħarir taħt.
Il-fjuri huma abbundanti, jinġarru fis-sajf bejn Ġunju u Settembru u ta’ kulur blu fil-vjola (rarament roża jew abjad).
